كل سنه وحضرتكم بخير. انهارده الاحد الاول من شهر بابه المبارك
يحدثنا إنجيل هذا الصباح المبارك عن معجزة شفاء المفلوج
والمعجزة دي اتذكرت في ثلاثه أناجيل
انجيل معلمنا متى الإصحاح التاسع وانجيل معلمنا مرقص الاصحاح الثاني وانجيل معلمنا لوقا الاصحاح الخامس
علشان كده المعجزه دي ذات اهميه كبرى
لانها تعلمنا الايمان القوي بنعم وقدره ربنا والخدمه بلا حدود وبلا شروط محبه بلا مقابل
اولا :خدمه بلا مقابل ولا استياء
وجود السيد المسيح في اي مكان يجذب الناس حوله لان رائحة المسيح الذكيه تجذب البشر اليه علشان كده لو المسيح في قلبنا وفي حياتنا سنكون خداما ناجحين. والخدمه مش في الكنيسه فقط ولكن في اسرتك مع زوجتك ومع اولادك وعطاك زوجه وقال لك يلا ابني كنيسه صغيره وهاتو لي اولاد واخدموهم وعلموهم وعرفوهم بيا. هتلاقو صعبات لأنكم هتعلموهم الايمان والعالم ضد الايمان ولكن الذي يصبر للمنتهى فهذا يخلص. لازم هتحسو بصعوبات وضيقات علشان لما احلها ليكم يذداد إيمانكم
بس ساعات الحكمه الي بعطيها ليكم
اي زوج وزوجه اكيد بيكون عندهم صعوبات ولكن بإيمانهم الي واثقين بيه انتم في كنيسه صغيره محميه من رب المجد نفسه اكيد هيعدو منها وهيفرحو انهم وصلو اولادهم للكنيسه الكبيره
هي دي الخدمه بلا شروط
الخادم الحقيقي ينكر ذاته مش مستني كلمه شكر من حد زي أصدقاء المريض حد يعرف أسماءهم لا طبعا محدش يعرف أسماءهم مع انهم هما الي تعبو شالو المريض بس مش همهم اي حاجه المهم بس ان المريض يخف
بردو الزوج والزوجه بلا يقولو لبعض أنا عملت والمفروض تعملي او تعمليلي كذا
لا يا احبائي المحبه في المسيحيه بذل وتضحيه لاني وافقت اني اعمل مع المسيح وأخدم معه.
الاشياء من المجتمع والظروف تعلم الانسان السلبيه. لكن نحن عاملون مع الله
ثانيا : الايمان القوي
هنا أصدقاء المفلوج واثقين بل متأكدين
بشفاء صدقهم من رب المجد
بس الايمان مش اني اسمع وبس لا.
لا تكونو سامعين فقط بل سامعين عاملين
ان كنت تؤمن بالحب والعطاء والتواضع يجب ان تظهر هذا الايمان في اعمالك لان الايمان يترجم خلال الأعمال
إيماني وثقتي ان ربنا موجود وهو الي واقف معايا وسندني وعارف ما بداخلي
فلازم اخد الحكمه منه
مسكن الحكيم في عيني نفسه وحاسس انه صح في كل حاجه بعيدا عن حكمه ربنا وعطاياه الجميله
لازم يكون عندنا ايمان عامل وليس باطل او عاطل علشان يكون لينا رائحة المسح الذكيه
ربنا يعطينا الايمان القوي والخدمه بلا شروط بالبذل والتضحيه والعطاء
لالهنا كل المجد إلى الأبد امين
