اراده الله

( الاحد الثالث من شهر مسرى )

بسم الاب والابن والروح القدس الله الواحد امين

اليوم هو الاحد الثالث من شهر مسرى المبارك، وانجيل هذا الصباح من بشاره معلمنا ( مر ٣ : ٢٢- ٣٥). واخر ايه في انجيل اليوم بتقول :-  لأَنَّ مَنْ يَصْنَعُ مَشِيئَةَ اللهِ هُوَ أَخِي وَأُخْتِي وَأُمِّي». إنجيل مرقس35:3

في رساله معلمنا بولس الرسول الى اهل روميه ثلاث عناصر مهمه علشان نفهم مشيئه الله فى حياتنا ( رو ١٢ : ١- ٢)

طب روميه ( ١٢ : ١- ٢ ) بتقول إيه ؟

فَأَطْلُبُ إِلَيْكُمْ أَيُّهَا الإِخْوَةُ بِرَأْفَةِ اللهِ أَنْ تُقَدِّمُوا أَجْسَادَكُمْ ذَبِيحَةً حَيَّةً مُقَدَّسَةً مَرْضِيَّةً عِنْدَ اللهِ، عِبَادَتَكُمُ الْعَقْلِيَّةَ.  وَلاَ تُشَاكِلُوا هذَا الدَّهْرَ، بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ.  الرسالة إلى رومية2-1:12

يبقى اول نقطه :- أَنْ نقَدِّمُ أَجْسَادَكُمْ ذَبِيحَةً حَيَّةً مُقَدَّسَةً مَرْضِيَّةً عِنْدَ اللهِ… يعني نعيش مخصصين لله قديسين , رافضين اي اراده ذاتيه ونطيع كل كلمه ونجاهد في الاتجاه ده.

النقطه التانيه :-  وَلاَ تُشَاكِلُوا هذَا الدَّهْرَ. احنا مش من العالم وملناش حاجه فيه ولا يشبعنا منه شيء. يعني نعيش في العالم والعالم ما يعيش فينا.

النقطه الثالثه :- نتَغَيَّرُ عَنْ شَكْلِنا بِتَجْدِيدِ أَذْهَانِنا. يعني نزيل كل افكار من العالم ونأتي بافكار الله. معلمنا بولس الرسول بيقول :-  وَأَمَّا نَحْنُ فَلَنَا فِكْرُ الْمَسِيحِ. الرسالة الأولى إلى كورنثوس16:2

معلمنا بولس الرسول لخص الموضوع في الثالث نقاط اللي فاتوا.ساعتها نقدر نختبر اراده الله الصالحه.

علشان اقدر اعرف اراده الله يجب ان اعرف الله ذاته. اعرف ازاي اقرب منه احبه اكون معاه وادخل في شركه دائمه بيني وبينه.

نلاحظ ان الزوجه القريبه من زوجها تقدر تعرف مشيئته رغباته. كذلك الابن القريب من ابيه يقدر يعرف رغباته ويفهم اشاراته. احنا كمان يا اخواتي لما نقرب من ربنا حتما نقدر نعرف مشيئته. معلمنا بولس الرسول في رسالته الى العبرانيين ( عب ١١: ٦ ) بيقول :- وَأَنَّهُ يُجَازِي الَّذِينَ يَطْلُبُونَهُ. الرسالة إلى العبرانيين6:11 لما يتكلم عن الايمان بيقول كده (وَلكِنْ بِدُونِ إِيمَانٍ لاَ يُمْكِنُ إِرْضَاؤُهُ، لأَنَّهُ يَجِبُ أَنَّ الَّذِي يَأْتِي إِلَى اللهِ يُؤْمِنُ بِأَنَّهُ مَوْجُودٌ، وَأَنَّهُ يُجَازِي الَّذِينَ يَطْلُبُونَهُ. الرسالة إلى العبرانيين6:11

اذا معرفه الله تيجي عن طريق معرفه الله نفسه وطلبته. يا حبيبي خد بالك ان معرفه اراده الله مش مجرد امر عابر او حاجه اطلبها لما اكون في دقيقه وبعد كده اعيش كما ارغب وكما يحلو لي…. ابدأ.

 معرفه اراده الله او مشيئه الله هي حياه بنعيشها كل يوم. اوعى تنسى قول الرب في ( يو ١٥: ٧) لما بيقول :- إِنْ ثَبَتُّمْ فِيَّ وَثَبَتَ كَلاَمِي فِيكُمْ تَطْلُبُونَ مَا تُرِيدُونَ فَيَكُونُ لَكُمْ. إنجيل يوحنا7:15

اذا الثبات في المسيح معناه تثبيت النظر عليه وان تصبح افكاره هي افكاري وصفاته تظهر فى واصبح انا صورته،اختفي انا ويظهر المسيح فيا. ساعتها بس هقدر اطبق الامر الالهي اللي ببقول  :- فَلاَ تَهْتَمُّوا لِلْغَدِ، لأَنَّ الْغَدَ يَهْتَمُّ بِمَا لِنَفْسِهِ. يَكْفِي الْيَوْمَ شَرُّهُ. إنجيل متى34:6.

لاني انا عارف يا رب ان بكره في ايدك انت مش في ايد الناس . والناس كمان في ايديك لانك ضابط ،كل شيء في العالم تحت ضبطك انت . انت يا رب بتعمل كنترول على كل شيء في العالم واحنا بنثق في مشيئتك انت يا رب لان مشيئتك صالحه. علشان كده كل يوم بنصلي في ابانا الذي في السماوات ونقول :- (  لتكن مشيئتك).

 اراده الله ان الجميع يخلصون .يقول كده :- لانه لا يشاء موت الخاطئ مثل ان يرجع ويحيى.

اراده الله قداستكم. والقداسه هي طريق وحياه وسلوك. والكنيسه عملها الرئيسي هو صناعه القديسين. طريق القداسه هو طريق الوصيه والذي رسمه هو الرب يسوع. كلنا مدعوين للقداسه وليس البعض منا. كل مسيحي يجب ان يحيا قداسة الفكر والقلب…

كمان اراده الله بالحفظ،يقول المزمور ١٢١:- الرَّبُّ يَحْفَظُ خُرُوجَكَ وَدُخُولَكَ مِنَ الآنَ وَإِلَى الدَّهْرِ. سفر المزامير8:121.

 ارادتي الصالحه تنقذنا من الاعتداءات ،مزمور 124 بيقول:- انْفَلَتَتْ أَنْفُسُنَا مِثْلَ الْعُصْفُورِ مِنْ فَخِّ الصَّيَّادِينَ. الْفَخُّ انْكَسَرَ، وَنَحْنُ انْفَلَتْنَا. سفر المزامير7:124

خد بالك ان الايه دي بتتكلم عن صيادين كثير وعصفور واحد صغير ضعيف.

اراده الله تعمل الخير بطرق متنوعه. الله يستخدم كل طريق عشان يوصل لك الخير علشان كده احنا بنقول (فلنشكر صانع الخيرات(.

 خد بالك الله نفسه بيكون عاوز يعلن ارادته لاولاده. في موضوع سدوم وعموره ربنا قال لابونا ابراهيم :- «هَلْ أُخْفِي عَنْ إِبْرَاهِيمَ مَا أَنَا فَاعِلُهُ،  سفر التكوين17:18…. هو عاوز يعرفك.

في ( يو ١٥: ١٥ ) بيقول :- لاَ أَعُودُ أُسَمِّيكُمْ عَبِيدًا، لأَنَّ الْعَبْدَ لاَ يَعْلَمُ مَا يَعْمَلُ سَيِّدُهُ، لكِنِّي قَدْ سَمَّيْتُكُمْ أَحِبَّاءَ لأَنِّي أَعْلَمْتُكُمْ بِكُلِّ مَا سَمِعْتُهُ مِنْ أَبِي. إنجيل يوحنا15:15. وفي سفر المزامير ٣٢ يقول :- «أُعَلِّمُكَ وَأُرْشِدُكَ الطَّرِيقَ الَّتِي تَسْلُكُهَا. أَنْصَحُكَ. عَيْنِي عَلَيْكَ. سفر المزامير8:32

مزمور 25 يقول :- سِرُّ الرَّبِّ لِخَائِفِيهِ، وَعَهْدُهُ لِتَعْلِيمِهِمْ. سفر المزامير14:25

ربنا عايز يعلن ارادتهم بس لمين؟ لاولاده…. يا لخائفيه…. لقديسيه.

اراده الله يا اخوتي ..توبتنا …خلاص النفوس اهم حاجه. وحياتك هى خلاص نفسك. اوعى العالم يسرقك ودوامه الدنيا تبلعك. لأَنَّهُ مَاذَا يَنْتَفِعُ الإِنْسَانُ لَوْ رَبحَ الْعَالَمَ كُلَّهُ وَخَسِرَ نَفْسَهُ؟ أَوْ مَاذَا يُعْطِي الإِنْسَانُ فِدَاءً عَنْ نَفْسِهِ؟ إنجيل متى26:16

الله قادر ان يعيننا على خلاص نفوسنا ،ويعين ضعفنا ونصنع ارادته. له كل المجد والكرامه الى الابد امين.